जीन्दगीलाई

जसो तसो अघि बढाई थामेको छु जीन्दगीलाई
कैले रुवाई कैले हसाई थामेको छु जीन्दगीलाई
शुःख दुःख नाप्न खोज्छु दुःख पल्ला भारी हुन्छ
पीडा भित्र मन जलाई थामेको छु जीन्दगीलाई
जता जाउ शुन्य लाग्छ लाखौ लाख दुनिया बिच
जोगी हेरी चित्त बुझाई थामेको छु जीन्दगीलाई
धनी जस्तो शुःख सयल कहाँ पाउनु अब मैले
गरीबी को घुम्टो ओढाई थामेको छु जीन्दगीलाई
पीडा सँगै स्वाप्ना रुपी विवश ताका पाना भित्र
पागल प्रेमी नाम छपाई थामेको छु जीन्दगीलाई